చిరంజీవా మజాకా

ఎక్కడ చదివినా చిరంజీవి చిరంజీవి…
సరే మనం కూడా  ఏదోటి రాసేస్తే పోలా ఒక పోస్టయిపోతుంది.
వెనకే కొన్ని కామెంట్లు కూడా పోగేయవచ్చు {అందరిలా కాక నిజంగా కామెంట్ల కోసమే రాస్తున్నా}
పాపం ఇప్పటికే యూ ట్యూబ్లో మెలికల జాక్సన్ వీడియో  ద్వారా కొంత పరువు తీసేసేరు.
ఇప్పుడు చిన్నమ్మాయితో పెళ్ళితో మరికొంత.
ఏదైనా పేరు ప్రఖ్యాతులు ఉన్నోళ్ళు చాలా జాగ్రత్తగానే ఉండాలేమో !
{అదీకాక మనలో మన మాట. సినిమాల్లోలాగా అదే వ్యక్తిత్వం బయటకూడా ప్రదర్శిస్తే ఇలాంటి ముళ్ళూ విప్పుకొనే అవసరాలు రావేమో}
ఒకప్పుడు ఉదయ్ కిరణ్ విషయంలో పెద్దమ్మాయి దెబ్బ ఇప్పుడు చిన్నమ్మాయి దెబ్బ.
మద్యలో పవన్ కళ్యాన్ విడాకుల పదనిసలు.

పరుగులు.

“బాల్యపు చల్లని మెల్లని బుడిబుడి నడకలు
గల్ గల్లున మోగే మువ్వల చిట్టిపొట్టి పరుగులు
చిట్టిపరుగులు..అలా..అలా.. గట్టిపరుగులై
పరుగులే పరుగులు
పరుగులు.
చదువుల్లో ర్యాంకులకోసం పరుగులు.
పేరున్న కంపెనీలలో ఉధ్యోగంకోసం పరుగులు.
ఎక్కువ జీతం ఇచ్హే కంపెనీల కోసం పరుగులు.
ఉధ్యోగం చేస్తూ కూడా ఎక్కువ కట్నం తెచ్హే భార్య కోసం పరుగులు.
పరాయిదేశాల డాలర్ల కోసం పరుగులు.
ఉధ్యోగంలో ఆధిపత్యంకోసం పరుగులు.
ఇంట్లో సౌకర్యాల కోసం పరుగులు.
బయట పేరుగొప్పల కోసం పరుగులు.
పిల్లల చదువుల కోసం పరుగులు.
వాళ్ళ భవిష్యత్ కోసం పరుగులు.
పరుగులు.
పరుగెత్తీ పరుగెత్తీ అలసిపోయి వళ్ళంతా పులిసిపోయాకా
తెలుస్తుంది.

అసలు వేటికోసం పరుగెత్తామో అవే దొరకలేదని. 
తన జీవితకాలంలో  ఆనందాన్ని, శాంతిని, సంతోషాన్ని, ప్రేమను పొందడానికి
కావలసినంత కష్టపడలేనివాడు  బ్రతుకుతున్న శవంలా జీవిస్తాడు చచ్హే వరకూ..

బ్లాగవతం.

సౄష్టించినదెవరైనా..
మార్పు- చేర్పు చేసేదెవరైనా..

ఓ మనిషీ!  నీ మనసును పట్టి పిండి పిప్పిచేసి.
అటు విసిరి ఇటు విసిరి.

చివరిగా ఒకేఒక్క దులుపు దులిపి  
ఇంటర్ నెట్ ప్రపంచపు తీగలపై అరబెడుతున్న
బ్లాగుల ప్రపంచానికి, బ్లాగస్తులకు
నమస్కారములు…

అందరూ భావుండాలి.
అందరూ ఆరోగ్యంగా ఉండాలి..
అందరూ సంతోషంగా  ఉండాలి…ఇదే నా “ఆకాంక్ష”…..మీ విశ్వం.